Thawj Lwm Tub Ncig |
Cov thawj lwm tub ncig uas yuav thov dag zog muaj raws li nram no:
- Txiv Cuab Tsav : (Thov ib tug kwv tij uas kom txum phaj nrog rau tus tag sim neej no coj los ua tus leg dab leg qhua rau lub ntees ploj no thiab nws yog tus laig dej laig cawv, ntawg nqaij ntawg mov rau tus tag sim neej.)
- Thawj xyom cuab: Thov ib tug kwv tij paub tab los nres lub ntees no tsam ho muaj xaiv muaj lus los yog muaj kev sib cov nyom li cas nws tau los daws tej xwm txheej los yog teeb meem ntawm lub ntees ploj no.
- Thov 1 tug txiv taw kev ( Txiv taw kev yog tus tuaj taw kab taw kev rau tus tag sim neej kom pom qab mus cuag nws poj nws yawm saum ub).
- Thov 1 tug txiv txiag (Tus txiv hleb txiv ntoo) tuaj ua tus ntaus thawj coj kwv tij neej tsa mus phua ntoo coj los ua lub hleb rau tus tag sim neej (Nyob Mes Kas teb no qee zaum tsis siv tus txiv txiag no lawm vim ntawm lub chaw ua dab ua qhua los yog tsev txias yeej muaj lub leb rau tsev xyom cuab siv lawm, hos koj yuav thov kom muaj nyob rau ntawv los kuj tau ib yam.
- Thov 2 tug tub txiav taws (vim nyob ntuj qub qab kev ua dab ua qhua li no yuav tau mus txiav taws coj los siv rau lub ntees dab ntees qhua no, tab sis teb chaws Mes Kas ces tsis siv lawm vim lub tsev txias no yeej muaj qhov cub rau koj siv tib si lawm)
- Thov 2 tug niam ua mov los yog 4 tug nyob ntawm lub ntees dab ntees qhua no koj ua loj npaum cas es kwv tij neej tsa puas coob.
- Thov 2 tug tshwj kab los yog 4 tug nyob ntawm seb koj ua lub ntees dab ntees qhua me los loj
- Thov 2 Tug kav xwm
- Thov 2 tug los yog 4 tug txiv qeej nyob ntawm lub ntees dab ntees qhua seb loj los me.
- Thov 1 tug txiv Xaiv: yog tias tus tag sim neej no yog ib tug laus muab tub nyab es xav kom muaj lub rooj hais xim foom tej lus zoo rau lawv. (Feem ntau ib txhia lawv kuj cia li siv tus kav xwm uas nws yeej txawj txiv xaiv los sawv qab nteeg hais xim thiab xwb los kuj tau, muaj qee zaus tej tub kis ho nyiam tus sab nrauv los mam li thov ib tug sab nrauv tuaj hais thiab xwb.)
- Yog tias tus tag sim neej yog 1 tug laus neeg cov tub ki xav kom hu nkauj rau ces thov 1 tug txiv nkauj thiab. (Menyuam tub qaib ces tsis tas siv txiv nkauj li, txawm siv los siv raws caij nyoog mam thov tom qab thaum lub caij siv xwb los tau).
Cov Lus Koj Yuav Thov Thawj Lwm Tub Ncig Hais Li Nram no:
Nyob qub teb qub chaw ces peb yuav nqa ib fwj cawv nrog 2 los yog 4 lub khaub mus rau ntawm tus uas peb yuav thov nws dag zog tsev, nug seb nws puas caiv yog tias tsis caiv ces peb mam nkag mus hauv tsev thiab thov nws lub rooj coj los txawb rau ntawm plag tsev, rub nws zaum sab pem toj teev cawv rau ob lub khob cev rau nws muaj lus li cas mam hais rau nws.
Nyob rau Mes Kas teb no ces peb hu xov tooj ua ntej rau tus peb yuav thov seb lub sij hawm peb yuav ua dab ua qhua nws puas muaj laj kam dab tsi ua. Yog nws tsis muaj ces peb cia li thov nws hauv xov tooj tias peb yuav thov koj tuaj pab ntoj dab tu qhua rau nws laus lub ntees dab ntees qhua nyob rau hnub tim....lub tsawg hli.... yog nws kam lawm ces tos txog hnub thau tus tag sim neej los ua dab ua qhua peb mam rub lub rooj los thov thiab pe nws xwb. Hos yog nws ho khoom thiab peb ho khoom ces peb nqa ob los yog 4 lub khob thiab 1 fwj cawv mus thov nws, thaum mus txog nug seb puas caiv, yog tias nws tsis caiv mam mus hauv tsev thiab rau rooj rub nws zaum sab pem toj ces thov thiab pe nws 1 pes kom nws txhob tso tsev neeg tseg es pab tuaj nrog ntoj dab tu qhua. Kev tag sim neej no tsuas pe 1 pes nkaus xwb.
Kev thov thawj lwm tus ncig no nyias kuj hais cov lus txawv nyias lawm ib yam tab sis cov ntsiab lus ces mus ib yam xwb. Nram no yog ib cov lus thov:
Nyob rau Mes Kas teb no ces peb hu xov tooj ua ntej rau tus peb yuav thov seb lub sij hawm peb yuav ua dab ua qhua nws puas muaj laj kam dab tsi ua. Yog nws tsis muaj ces peb cia li thov nws hauv xov tooj tias peb yuav thov koj tuaj pab ntoj dab tu qhua rau nws laus lub ntees dab ntees qhua nyob rau hnub tim....lub tsawg hli.... yog nws kam lawm ces tos txog hnub thau tus tag sim neej los ua dab ua qhua peb mam rub lub rooj los thov thiab pe nws xwb. Hos yog nws ho khoom thiab peb ho khoom ces peb nqa ob los yog 4 lub khob thiab 1 fwj cawv mus thov nws, thaum mus txog nug seb puas caiv, yog tias nws tsis caiv mam mus hauv tsev thiab rau rooj rub nws zaum sab pem toj ces thov thiab pe nws 1 pes kom nws txhob tso tsev neeg tseg es pab tuaj nrog ntoj dab tu qhua. Kev tag sim neej no tsuas pe 1 pes nkaus xwb.
Kev thov thawj lwm tus ncig no nyias kuj hais cov lus txawv nyias lawm ib yam tab sis cov ntsiab lus ces mus ib yam xwb. Nram no yog ib cov lus thov:
- Seb tus neeg koj thov no txheeb ze li cas ces koj hais nws lub npe:(...........) Ce ib los yog ob khob cawv cev rau nws , koj ce ib rau koj thiab ces koj kom nws nrog koj cub ib pas cawv (Haus me me ntawm lub khob xwb)
- Koj hais ntxiv tias: Hnub no wb tuaj no mas tsis muaj dab tsi nawb tab sis vim yog lub ntuj tsis nqus tes , ntuj nqus taw yog li ntawv tus yawg los yog pog....(npe hu li no)......tau tag sim neej lawm thiaj li tuaj thov txog koj dag koj zog mus pab ua txiv cuab tsav mus ntoj nws dab tu nws qhua, yeej paub ntsoov tias koj dej num muaj ntau ntxhov lis hnyo koj lub luaj qoob los......................(Mam sau piav ntxiv)....
- (Cov lus thov no txawv tsis deb tsuas yog koj hloov npe seb yog tus tshwj kab, tus niam ua mov los yog tus kav xwm xwb).....
( Nplooj no Tag Li No Xwb - End Of This Page )