Kev Xa Tshais Mus Tom Ntxa
Tus Piav: Txiv Nom Hawj Xyooj - Nyob Nplog Teb
Kev xa tshais rau tom Ntxa no :
- Coj tus qauv mus zais tag li hnub no ces pib suav tag kis kaj ntug uas tag kis 1.
- Tag kis 2, tag kis 3 Ces tag kis 3 no xa tshais mus rau tom ntxa.
- Kev xa tshais no xa 2 tag kis mus rau ntawm lub Ntxa tag kis 3 xa rau tom 1 tog kev lawm xwb.
Cov Khoom Npaj Siv Tawm Tshais:
- Txiav 1 lub raj lub me nyuam rauj luaj caj npab ntev li 2 nyuag dos, muab txua hliav ncauj li lub raj dej.
- Fiab 1 lub tawb kawm diav me me tsis loj heev.
- Fiab 1 lub choo me me kom haum ntim rau hauv lub tawb kawm diav.
- Rhaub 1 Kais Fwj dej kom sov so.
- Npaj 1 daim nqaij hlais kom ntev li 1 dos tawm; yuav siv hlais coj mus xa tshais 3 zaug rau 3 tag kis.
- Nqa 1 qho mov nrog txhua tag kis mus xa tshais .
Tag Kis 1Thaum Mus Txog Tom Ntxa:
- Txiav 1 tug ntoo luaj ko Riam..; luaj ntiv tes los tau, tseg kom ncau 2 ceg.
- Muab tus ntoo saum no txhos rau ntawm ko taw los yog ntawm nws qab ntxa.
- Muab lub tawb kawm diav dai rau ntawm tus ntoo 2 ceg , tso nqaij tso mov thiab tso lub choo rau hauv lub tawb no.
- Rov qab mus muab tus txhib ntawg siv thaum nws tuag ntawv los siv. Koj tuav tus txhib ntawv thiab hais tias: Puv 3 tag kis lawm kuv xa tshais tuaj rau koj no nawb...( Hias nws npe..)... Koj sawv los ntxuav muag , ntxuav tes ntxuav taw thiab muab tshais noj nawb..
- Koj muab tus ntxhib ntawg tsa sawv ntawm tes hliv dej ywg sauv tuaj thiab hais tias:
Duab 1: Muab tus txhib ntawg tuav sawv hliv dej rau
|
Duab 2: Siv tus txhib ntawg
|
Duab 3: Txua 1 lub raj xyoob hliav ncauj thiab hliav qab li saum no kom txho tau rau ntawm lub ntxa
|
Pib:
Aub..Kuv ntxuav no tsis ntxuav plig niam plig txiv..plig tub plig ki...Kuv ntxuv no mas ntxuav hleb rag hleb rhaws...kua muag iab..kua muag daw luaj dub luaj doog xwb Auv..! (Ntuas cov lus tag li no rov muab tus txhib ntawg txhos rau ntawm lub Ntxa).
Aub..Kuv ntxuav no tsis ntxuav plig niam plig txiv..plig tub plig ki...Kuv ntxuv no mas ntxuav hleb rag hleb rhaws...kua muag iab..kua muag daw luaj dub luaj doog xwb Auv..! (Ntuas cov lus tag li no rov muab tus txhib ntawg txhos rau ntawm lub Ntxa).
Txuas Ntxiv: Nyab Dej Rau Lub Raj
Hliv Dej Rau Lub Raj Kom Txog 1 Nrab los yog 1 Nta xwb ces koj hais ntxiv rau tias: Kuv nyab koj rhawv dej rau ntawm no nawb es koj sawv los ntxuav muag , ntxuav tes , ntxuav taw , da dej thiab muab tshais noj..(Tag ki 1 tas li no xwb yog koj xav quaj xav nyiav los ..quaj nyiav kom zoo siab mam los tsev..Yog koj tsis quaj tsis nyiav los koj cia li rov los tsev lawm xwb).
Hliv Dej Rau Lub Raj Kom Txog 1 Nrab los yog 1 Nta xwb ces koj hais ntxiv rau tias: Kuv nyab koj rhawv dej rau ntawm no nawb es koj sawv los ntxuav muag , ntxuav tes , ntxuav taw , da dej thiab muab tshais noj..(Tag ki 1 tas li no xwb yog koj xav quaj xav nyiav los ..quaj nyiav kom zoo siab mam los tsev..Yog koj tsis quaj tsis nyiav los koj cia li rov los tsev lawm xwb).
Tag Kis 2 Xa Tshais Mus Tom Ntxa:
Npaj:
Npaj:
- Tag kis 2 no koj rov hlais ib qho nqaij li 1 ntiv tes coj mus hau kom siav ..
- Nqa 1 qhov mov me me nrog.
- Rhaub 1 nyuag nta fwj dej kom sov so nqa nrog mus siv thiab.
Thaum txog ntawm Ntxa lawm:
- Thaum mus txog ntawm Ntxa ces koj hais rau tias: Kuv xa tshais tuaj koj noj nawb..nqaij mov nyob saum pob tawb no..Koj sawv los ntxuav muag , ntxuav tes ,ntxuav taw es muab tshais noj nawb...
Txuas Ntxiv:
- Koj rov muab tus txhib ntawm tsa sawv ( saib daim duab 1 saum toj sauv) ces muab lub fwj coj los hliv cov dej ywg tus txhib ntawg thiab hais tias: Aub..Kuv ntxuav no tsis ntxuav plig niam plig txiv..plig tub plig ki...Kuv ntxuv no mas ntxuav hleb rag hleb rhaws...kua muag iab..kua muag daw luaj dub luaj doog xwb Auv..! (Ntuas cov lus tag li no rov muab tus txhib ntawg tso rau ntawm lub Ntxa).
Muab Dej Nyab Lub Raj: Zaum no koj muab dej nyab los yog hliv kom puv nkaus lub Raj:Thiab hais tias: Kuv nyab koj rhawv dej rau ntawm no nawb es koj sawv los ntxuav muag , ntxuav tes , ntxuav taw , da dej thiab muab tshais noj.
-Koj sawv noj tshais tag ces koj nrog kuv mus es kuv yuav qhia qhov chaw xa tshais tuaj rau koj noj tag kis nawb. - Hais no tag koj yom los yog txaus yim rau nws ntawm lub ntxa tag ces koj cia li rov los lawm xwb.
Teem Tshais Ntawm Ib Nrab Ke:
- Tag kis 2 koj xa tshais rau noj li saum no tag , koj los txog ntawm ntug zos , koj teem tshais rau ntawm 1 lub pob zeb , ib lub pob ntoos, ib lub pob luaj los yog ntawm ib phab ntsa vaj los tau- Ces koj hais rau nws tias:
- Tag kis tav tshais koj los nyob qhov no es kuv yuav xa tshais tuaj koj noj nov lawm xwb nawb-
( Teem tag li no ces koj cia li los tsev lawm xwb )
- Thaum mus txog ntawm Ntxa ces koj hais rau tias: Kuv xa tshais tuaj koj noj nawb..nqaij mov nyob saum pob tawb no..Koj sawv los ntxuav muag , ntxuav tes ,ntxuav taw es muab tshais noj nawb...
Txuas Ntxiv:
- Koj rov muab tus txhib ntawm tsa sawv ( saib daim duab 1 saum toj sauv) ces muab lub fwj coj los hliv cov dej ywg tus txhib ntawg thiab hais tias: Aub..Kuv ntxuav no tsis ntxuav plig niam plig txiv..plig tub plig ki...Kuv ntxuv no mas ntxuav hleb rag hleb rhaws...kua muag iab..kua muag daw luaj dub luaj doog xwb Auv..! (Ntuas cov lus tag li no rov muab tus txhib ntawg tso rau ntawm lub Ntxa).
Muab Dej Nyab Lub Raj: Zaum no koj muab dej nyab los yog hliv kom puv nkaus lub Raj:Thiab hais tias: Kuv nyab koj rhawv dej rau ntawm no nawb es koj sawv los ntxuav muag , ntxuav tes , ntxuav taw , da dej thiab muab tshais noj.
-Koj sawv noj tshais tag ces koj nrog kuv mus es kuv yuav qhia qhov chaw xa tshais tuaj rau koj noj tag kis nawb. - Hais no tag koj yom los yog txaus yim rau nws ntawm lub ntxa tag ces koj cia li rov los lawm xwb.
Teem Tshais Ntawm Ib Nrab Ke:
- Tag kis 2 koj xa tshais rau noj li saum no tag , koj los txog ntawm ntug zos , koj teem tshais rau ntawm 1 lub pob zeb , ib lub pob ntoos, ib lub pob luaj los yog ntawm ib phab ntsa vaj los tau- Ces koj hais rau nws tias:
- Tag kis tav tshais koj los nyob qhov no es kuv yuav xa tshais tuaj koj noj nov lawm xwb nawb-
( Teem tag li no ces koj cia li los tsev lawm xwb )
Tag kis 3 koj npaj li no:
- Hau 1 qhov nqaij me me kom siav
- Nqa 1 qho mov
- Nqa Dej ntxuav muag ( Rhaub kom sov)
- Npaj 1 rab riam nrog koj tau txiav ntoo ua tus kuam los yog txhib ntawg
Thaum mus txog ntawm qhov chaw Teem Tshais:
- Txiav 1 tug me nyuam ntoo me me muab phua ua tus kuam los yog txhib ntawg
- De ib daim nyuag nplooj los yog muab ib daim ntawv pua ces muab qhov nqaij qhov mov tso rau hauv.
- Muab tus txhib ntawg tuav tsa sawv , hli cov dej ntxuav muag ywg sauv tuaj thiab hais tias: Aub..Kuv ntxuav no tsis ntxuav plig niam plig txiv..plig tub plig ki...Kuv ntxuv no mas ntxuav hleb rag hleb rhaws...kua muag iab..kua muag daw luaj dub luaj doog xwb Auv..! ( Ntxuav muag tag ces koj muab tus txhib ntawg taw rau ntawm qhov nqaij qhov mov uas koj tso rau ntawm chaw no thiab hais ntxiv tias):
- Hias npe: Koj los tos tshais kuv xav tshai tuaj rau koj noj ntawm no koj txais ces koj tau nob nas..(Tag li no ces ntaus kuam kom 2 sab kwb thiaj li yog lawv lees rov qab mus lawm). Thaum tiav li no ces yus rov los tsev lawm xwb.
Qhia kom paub:
- Koj ntaus tus kuam yog 1 sab ntxeev 1 sab khwb los yog tias ob sab ntxeev tag nrho ces ntaus nqis tias lawv tsis kam rov qab mus koj yuav tau hais ntxiv tias: Koj rov mus koj vag koj tsev tsam ntsaum kab rwg xwv koj vag koj tsev os mog.. ces ntaus dua kom tus kuam khwb tag nrho mam tsum.
- Yav thaum ub mas tag kis 3 no yuav tau de 5 daim nplooj coj los ua 5 txig rau tab sis qho no tso tseg lawm xa tshais tag kis 3 ces cia li rov mov rau nws 1 leeg raws li qhia tag los saum no lawm xwb.