-Kev Haws Plig-
Haws Plig Yog Dab Tsi? Haws Plig yog koj tus txiv cuab tsav ntaus tus txhib ntawg rau tus tuag yog tsev neeg leej twg ntsuj nplig tsiv tsawv raws nws mus lawm kom nws tso tsev neeg no tus ntsuj tus plig rov los nws thiaj tau kev mus..
Haws Plig Yog Pib Thaum Twg? Haws plig yog tus txiv cuab tsav los pib ua qhov txheej txheem no hnub kawg uas yuav coj tus qauv mus zais nyob rau lub sij hawm koj twb hlawv ntawv, cob tsiaj tag tib si rau lawm, qhov no yog qho kawg tus cuab tsav ua tag ces tso rau txiv qeej tshuab zaj qeej sawv kev xa tus tag sim neej tawm mus lawm xwb.
Npaj:
- Muab ib qho nyuag xov hnab tsaj tsuav nrog ib qho siab sib xyaws ua ke tso rau ib lub phaj los yog tais me me mam coj mus haws plig- Koj haws plig txog 1 tug tib neeg ntawv tsev neeg tag ces koj muab ib qho nyuag coj los pov rau ntawm nws xub pwg mus rau tom qab-
- Muab ib qho nyuag xov hnab tsaj tsuav nrog ib qho siab sib xyaws ua ke tso rau ib lub phaj los yog tais me me mam coj mus haws plig- Koj haws plig txog 1 tug tib neeg ntawv tsev neeg tag ces koj muab ib qho nyuag coj los pov rau ntawm nws xub pwg mus rau tom qab-
Pib: Nim nob os..! (Tuav tus tag sim neej npe)...tuav 3 txoj cawv rau koj haus tag tso yuav nrog koj yuav ntsuj yuav mam rov tom qab nob tos...! (ntaus txhib ntawg)
- Ib txoj cawv yog koj cawv koj txais kojtau nob tos....( hais tus tag sim neeg lub npe..)=(Ces ntaus tus txhib ntawg dua)...Yog nws lees lawm ces ? Hais ntxiv tias: Nim nob os...! (Hais tus tuag lub npe)..Ploj txij koj ib leeg ploj..qaug txiv koj ib leeg qaug...Noj tsis tau ua tiag nqa..haus tsis taus ua tiag puag..yuav coj mus pub poj pub yawg noj ..pub poj pub yawg haus yuav mus diav poj diav yawg lawm ntuj tsiag teb tsaus nob tos..(Tag txoj caw 1)
- Ib Txoj tag ob 2 txoj los yog koj cawv koj txais koj tau nob tos...(Hais tus tuag lub npe)... (ntaus tus txhib ntawg dua yog nws lees lawm ces hais ntxiv rau tias): Nim nob os...! (Hais tus tuag lub npe)..Ploj txij koj ib leeg ploj..qaug txiv koj ib leeg qaug...Noj tsis tau ua tiag nqa..haus tsis taus ua tiag puag..yuav coj mus pub poj pub yawg noj ..pub poj pub yawg haus yuav mus diav poj diav yawg lawm ntuj tsiag teb tsaus nob tos..(Tag txoj caw 2)
- 2 Txoj tag ob 3 txoj los yog koj cawv koj txais koj tau nob tos...(Hais tus tuag lub npe)... (ntaus tus txhib ntawg dua yog nws lees lawm ces hais ntxiv rau tias): Nim nob os...! (Hais tus tuag lub npe)..Ploj txij koj ib leeg ploj..qaug txiv koj ib leeg qaug...Noj tsis tau ua tiag nqa..haus tsis taus ua tiag puag..yuav coj mus pub poj pub yawg noj ..pub poj pub yawg haus yuav mus diav poj diav yawg (lawm ntuj tsiag teb tsaus) nob tos..(Tag txoj caw 3)
Nco ntsoov:
- Koj yuav tsum ntaus tus txhib ntawg xyeeb rov los rau ntawm koj xub ntiag txhua zaus uas koj haws 1 tug tib neeg plig rov qab los .
- Yog tus txhib ntawg 2 sab khwb ces tau lawm.
- Yog tias tus txhib ntawg 1 sab qhib 1 sab khwb ces tsis tau. Thaum tsis tau no koj yuav tau hais ntxiv rau tias:
- Nim nob os..yog tsiv tsawv tsiv yaig los mam muab qaib muab qe hu ces los no na...(Tag li no ces koj rov ntaus tus txhib ntawg kom 2 sab khwb los yog 2 sab qhib koj mam li yuav thiaj tau tus plig rov los).
Pib Haws Plig:
- (Tus Cuab tsav yog qhov kawg): Koj ntaus kuv ib tse tus hlob mus dhau tus yau 1 ntsug plig rov tom qab koj li tau kev mus nob tos...!(Hais tus tag sim neej lub npe)..Ces ntaus tus txhib ntawg xyeeb rov los ntawm koj uas yog tus cuab tsav xub ntiag
- Koj ntaus koj txiv 1 ntsug plig rov tom qab koj li tau kev mus nob tos...!(Hais tus tag sim neej lub npe)..Ces ntaus tus txhib ntawg xyeeb rov los ntawm koj uas yog tus cuab tsav xub ntiag .
- Koj ntaus koj niam 1 ntsug plig rov tom qab koj li tau kev mus nob tos...!(Hais tus tag sim neej lub npe)..Ces ntaus tus txhib ntawg xyeeb rov los ntawm koj uas yog tus cuab tsav xub ntiag .
- Koj ntaus...(koj tus nus, koj tus kwv, koj tus muam, koj tus niam hluas....hais lawv npe) 1 ntsug plig rov tom qab koj li tau kev mus nob tos...!(Hais tus tag sim neej lub npe)..Ces ntaus tus txhib ntawg xyeeb rov los ntawm koj uas yog tus cuab tsav xub ntiag .
- Koj ntaus kev neej kev tsav 1 ntsug plig rov tom qab koj li tau kev mus nob tos...!(Hais tus tag sim neej lub npe)..Ces ntaus tus txhib ntawg xyeeb rov los ntawm koj uas yog tus cuab tsav xub ntiag ..
Qhov haws plig no cuab tsav yog tus npaj:
- Thaum tus cuab tsav no haws plig kom 1 tug hluas mus tuav lub tais qhov siab tsuav nrog hnab tsaj no .
- Tus cuab tsav hlaws 1 tug tib neeg plig yog tau rov los lawm ces kom tus tuav lub tais cov siab tsuav no muab 1 qho me me mus lwm ntawm tus tag sim neej 1 lwm rov los pov rau lub tais.
- Npaj 1 taig txhuv nrog 1 co qee, muab 1 lub xwb los tau thaum tus cuab tsav haws plig tag lawm nrhiav 1 tug laus txawj hu plig los hu tsev neeg plig.
- Haws plig ua ntej mam kwv tawm nras.
Tag Li No - End